Бирото за јавна безбедност (БЈБ) при Министерството за внатрешни работи доби благодарница од Фудбалската федерација на Македонија (ФФМ) за досегашната успешна соработка меѓу двете институции.

Благодарницата ја прими директорот на БЈБ, Сашо Тасевски.

-  „Во име на Фудбалската федерација на Македонија би сакал да изразам благодарност до вработените во Бирото за јавна безбедност и директорот Сашо Тасевски за успешната соработка и високото ниво на професионалност во извршување на своите обврски при организација на фудбалските натпревари. 

Фудбалската федерација на Македонија има партнерски однос со БЈБ во однос на поддршката за успешна организација на натпреварите, пред, за време и по завршување на мечевите. ФФМ добива максимална поддршка од претставниците на Бирото за јавна безбедност се да помине без безбедносни проблеми. Благодариме на секој поединец што придонесе натпреварите да бидат на тоа високо ниво, не само од домашниот шампионат, туку и меѓународните натпревари кои ги организиравме“, изјави Игор Франговски при врачување на благодарницата до БЈБ од страна на Фудбалската федерација на Македонија.