Масар Омерагиќ, македонски стопанственик, поранешен фудбалер и фудбалски работник е роден во главниот град на Македонија, Скопје, на 16 ноември 1969 година.

Тој е поранешен фудбалер на ФК Слога Југомагнат од првата шампионска генерација на скопскиот клуб, а во кариерата како играч настапуваше и за ФК Балкан, ФК Силекс од Кратово и во нашиот најтрофеен фудбалски колектив, ФК Вардар.

Од 2000 до 2002 беше член на меѓународната комисија на Фудбалската федерација на Македонија (ФФМ), а во највисокото тело на ФФМ, Управниот одбор, беше член од 2002 до 2006 година. 

Масар Омерагиќ по завршувањето на фудбалската кариера работеше во фирмата на неговото семејство, а подоцна ја презеде функцијата сопственик и генерален директор на компанијата „Руле Турс“.

Оженет, татко на две деца, течно зборува англиски јазик, Масар Омерагиќ отсекогаш развивал посебен интерес за застапување на македонскиот фудбал и фудбалските клубови со јасна визија за иднината и за заштита, промоција и развој на македонскиот фудбал, ставајќи го фудбалот на прво место.

УПРАВЕН ОДБОР