Македонската репрезентација до 19 години со убедлива победа од 6:0 против Лихтенштајн и максимални девет бодови фи заврши натпреварите од групата за пласман во Елитната УЕФА фаза за ЕП. Младите фудбалери од нашата „златна генерација“ приредија гол-шоу на тренинг центарот „Петар Милошевски“ и на најдобар можен начин потврдија дека имаат голем потенцијал. 

Ова е за прв пат една македонска репрезентација да заврши со максимални девет бода во квалификации. Дарко Чурлинов погоди во 3. минута, а четири минути подоцна Колевски зголеми на 2:0. До полувремето веќе беше 3:0 со на голот на Митровски. Токму Димитар Митровски погоди за 4:0 во 54. минута, мрежата на гостите два пати ја тресеше и Миовски за конечни 6:0. 

Македонија претходно во квалификациите со идентични 2:1 славеше над Белгија и Швајцарија. Момците на селекторот Вујадин Станојкивиќ покажаа дека имаме генерација за блескава иднина. 

МАКЕДОНИЈА до 19 години - Лихтенштајн до 19 години  6:0 (3:0)

(1:0 Чурлинов 3`, 2:0 Колевски 7`, 3:0 Митревски 25, 4:0 Митревски 56`, 5:0 Миовски 62`, 6:0 Миовски 73`)

УЕФА квалификации за Елитна фаза за ЕП; 3. Коло

Тренинг центар „Петар Милошевски“, Скопје

МАКЕДОНИЈА до 19 години: Х. Стевковски (Иванов), Филип Антовски, А. Митрев, О. Стоименовски, К. Ристовски, Е. Фазлагиќ, Ј. Атанасов (Миовски), Д. Чурлинов, Д. Митровски (Трапановски), М. Ферукоски, Б. Колевски;