Денеска во просториите на Фудбалската федерацијата на Македонија, фитнест тренерот Сашо Данески спроведе тестирање за утврдување на тренинг зони и лактатен праг со сите меѓународни судии според највисоките критериуми на УЕФА.

„Фудбалската федерација на Македонија изминатиот период интензивно инвестира во подобрување и осовременување на тренажниот процес на фудбалските судии. За полесно организирање на тренинзите на судиите низ државата обезбедени се часовници со кои индивидуално и детално може да се следи секој тренинг. Дополнително сите судии добија спортска опрема како за тренинг така и за натпревари. На летниот семинар дополнително ќе се реализираат и најновите УЕФА тестови за кондициона поставеност, мобилност и флексибилност што целокупно ќе допринесе за уште поголема професионалност”, изјави фитнес тренерот Сашо Данески.