Македонската футсал репрезентација претрпе убедлив пораз во последното коло од квалификациите за Европското првенство. Македонија во Темишвар загуби од Романија со 9:1. Противникот имаше целосна доминација, Романците уште во првиот дел го решија победникот, во меч во кои Македонија настапи без деветмина стандардни репрезентативци и со оглед дека овој натпревар немаше никакво значење за нашата селекција.

Романија поведе уште во 34. секунда, а до полувремето имаа предност од 6:0.

Головите за Романците ги постигнаа Филипе Оливеира (3), Рибеиро (2), Валарадеш (2) и по еден Фереира и Шоч. Единствениот гол за Македонија го постигна Петровиќ.

Ова беше прва победа за Романија, а Македонија ја заврши групата без победа, со две ремија и четири порази.