Фудбалската федерација на Македонија го одржа своето Редовно Генерално Собрание за 2022 година.

На Редовното Генерално Собрание во Скопје, присутните делегати го усвоија извештајот на претседателот и Управниот одбор на ФФМ за 2021. година.

Највисокото тело на федерацијата ја усвои завршната сметка за минатата година и буџетот на федерацијата за 2022. година, а беше усвоен извештајот на независниот ревизор.  

Делегатите на Собранието едногласно ги усвои измените на системот за натпреварување во МФЛ за 2022/2023 за единствена Втора лига, а беа усвоени и генералната стратегија на ФФМ, „Обединети од фудбалот 2021-2025“ и македонската женска стратегија 2021-2025. 

Работниот дел од денешното Редовно Собрание на ФФМ го следеа претставници на УЕФА и ФИФА. Денис Бастари, претставник на одделот за Национални асоцијации ја претставуваше УЕФА, додека Чарлс Борман беше претставник на ФИФА од Национални асоцијации. 

- Честитки за успесите за минатата година, успеси како на терен, така и надвор од него. Ова е убава можност да го нагласиме силното пријателство и соработка меѓу ФИФА и ФФМ. Вие стево чекор со ФИФА и заеднички придонесуваме заразвој на спортот кој сите го сакаме. ФИФА е горда на многуте заеднички проекти што ги спроведуваме во рамките на FIFA forward програмата. Не радува тоа што финансиските средства се вложуваат за развој, посебно на клучната компонента, а тоа е инфраструктурата.

Честитки за објавувањето на новата стратегија, како и стратегијата за женски фудбал, можете да сметате на континуираната поддршка од ФИФА за остварување на зацртаните цели. Исто така, бидете горди на напорната работа и трудот што го вложивте во изминативе години почнувајќи од аматерско до највисоко ниво. Единствено на тој начинможе да се постигнат најголеми успеси, а доказ за тоа беше настапот на Македонија на ЕП 2020 и пласманот во бараж за Светско првенство, рече во своето обраќање претставникот на ФИФА, Чарлс Ботман.

- Сакам да истакнам колку многу е сработено во делот на развојот на фудбалот, преку изградба на фудбалска инфраструктура, терени и стадиони и потврден големиот проифесионализам во вашите проекти. Заедно со вас, а се разбира во координација со ФИФА и УЕФА работиме во тесна соработка за изготвување на новиот статут, документ што ќе биде нов дополнителен чекор за подобро управување и нови прописи. Во најскоро време ќе ги достаиме нацрт верзиите. 

Најдобар пример за вашата посветеност е настапот на Еуро 2020 за првпат, успех рамен на чудо, но чудо е и вашиот пласман во баражот за Светското првенство. За 12 дена од сега ќе играте со европскиот шампион за настап на СП. Посакувам да продолжите со добрата работа иако навистина е тешко е да се зборува за фудбал во вакви моменти. Веќе неколку години фудбалот и светот не живеат во нормална ситуација, прво со Ковид-19, а сега пред неколку недели во срцето на Европа изби војна. Скршени сме од болка од тоа што се случува во Украина. Ние како УЕФА сме подготвени да направиме сѐ што е можно да направиме да заврши ова, а сите покажаа солидарност. Сакам да и заблагодарам на ФФМ за поддршката на секоја одлука на УЕФА и за секоја одлука за европскиот фудбал, истакна Денис Бастари од УЕФА.