Анти-допинг едукацијата е клучен фактор во борбата против допингот и основен предуслов во заштитата на правата на фудбалерите и интегритетот на фудбалот како спорт. Со таа цел, Фудбалската федерација на Македонија (ФФМ) организираше две работилници за анти-допинг едукација наменети за помлади спортисти од Академија 2010 и Академија 2011 на ФФМ. Учесниците имаа можност за прв пат официјално да се запознаат со принципите, значењето и сериозноста на термините - чист и фер спорт. 

Работилницата во организација на Секторот за медицина и антидопинг на ФФМ, се одржа под раководство на д-р Илија Стоилов, лиценциран WADA едукатор. Истата имаше за цел да ги запознае играчите со анти-допинг прописите и правилата, како и со важноста да се придржуваат до највисоки етички стандарди во спортот.

Играчите, како и стручните лица кои работат со нив добија сеопфатна обука за анти-допинг практиките, при што беше потенциранаважноста на чистата конкуренција, ризиците поврзани со прекршувањето на допинг правилата и процедурата за добивање дозвола за терапевтска употреба на одредени лекови кои се на листата на WADA за забранети супстанци и методи https://ffm.mk/vada---svetskata-antidoping-agencija-go-objavi-spisokot-za-zabraneti-supstancii-i-metodi--za-2025-godina.