Викендот се одиграа натпреварите од 2. коло од новата сезона во Македонската женска фудбалска лига. Актуелниот првак Каменица САСА со победа од 5:1 против ЖФК Истатов ја запиша втората победа од натпреварувачката сезона 2020/2021. 

Фудбалерките на Каменица САСА имаа двојна причина за славје, откако претставникот на Фудбалската федерација на Македонија, Куштрим Љума им го врачи пехарот за освоено прво место во натпреварувањето за ланската сезона. 

Најубедливата победа од 2. коло во Прва ЖМФЛ ја остварија фудбалерките на Деспина Прилеп совладувајќи ја екипата на Кочани со 14:0. ЖФК АС Јунајтед постигна погодок помалку од Деспина во победата против Љуботен, а со резултат 10:0, ЖФК Тиверија славеше против ЖФК Борец. Натпреварот меѓу ЖФК Атлетико и ЖФК Шкупи заврши нерепшено, 1:1, ЖФК Речица ја победи Шкендија на гостински терен со 2:0, а ЖФК Скопје со 8:0 победи против Топ Гол.