Женската А македонска репрезентација поразена од фаворитот Словенија

Објавено на 09 Април, 2024 во Вести, А репрезентација жени


Македонската женска А репрезентација загуби од Словенија во натпревар од 2. коло во групата Ц од квалификациите за пласман на ЕП. На тренинг центарот “Петар Милошевски”, Словенија славеше со 5:0. 

Словенечките фудбалерки ја оправдаа улогата на фаворитки на овој меч откако веќе по првото полувреме обезбедија предност од 2:0.
Каја Корошец во 23. минута и Матеја Звер во 29. минута ги дадоа головите за гостинките. Во првиот дел, нашата селекција имаше две прилики преку Гентјана Рочи и Павлина Николовска. Голманката Панчурова имаше неколку добри интервенции по првите 45. минути.

Во второто полувреме, Лара Прашникар во 56. минута го постигна голот за 0:3, а последните два погодоци за Словенките ги постигнаа Кајзба и Колбл во 84. и 88. минута. 

На воведниот натпревар во групата, македонската репрезентација славеше гостинска победа против Летонија со 4:3. 

Македонија: 1. В. Панчурова, 16. В. Недева, 20. И. Лимани, П. Николовска, 15. Е. Паневска (53’ Петровска), 14. М. Нацева (70’ Шопов), 8. А. Марковска, 10. Н. Андонова, 4. Р. Велкова (46’ Мустафа), 9. И. Максути, 7. Г. Рочи; Селектор: Александар Андов; 



   
   
Актуелности

14.05.2025    Вести

Љуботен го освои трофејот во Купот на Македонија за жени

Фудбалерките на Љуботен третпат во низа го освоија трофејот во Купот на Македонија. Во денешното финале, Љуботен славеше...

Календар
А репрезентација