Македонската репрезентација до 19 години забележа убедлива победа против Фарски Острови во рамките на првото коло од квалификацискиот турнир што се игра во Белорусија.

Нашите млади фудбалерки одиграа одлично и заслужено славеа со 3:0. Николовска во 33. минута го постигна водечкиот погодок за Македонија. Нашата предност ја зголеми Божиновска во 74. минута. Конечните 3:0 ги постави Мојсоска од пенал во 87. минута.

Следниот натпревар во групата е на 23. октомври во 18.00 часот против домаќинот на турнирот Белорусија.

МАКЕДОНИЈА: Кабакчи, Сулејмани, Милчевска, Недева, Јахји, Стаблева, Мојсоска, Николовска, Велкова, Божиноска, Чоклеска;