Заврши уште една сезона на ФФМ детските лиги . На тренинг центарот на ФФМ, беа одиграни финалните натпревари од Детските лиги за сезона 2016/2017.  Ги добивме новите шампиони на Македонија во шест возрасни категории (2004-2009).

Во прекрасна атмосфера, новите шампиони ги примија пехарите и медалите од претседателот на ФФМ Илчо Ѓорѓиоски, од селекторот на А репрезентацијата Игор Ангеловски, од директорот на А репрезентацијата Саша Ќириќ и од генералниот секретар на ФФМ Филип Поповски. Поединечните награди за најдобри стрелци и најдобри голмани по генерации беа доделени од репрезентативците од А тимот Спировски Стефан и Филип Гачевски, како и од дел од момците од У 21 кои ја направија горда цела Македонија, Игор Алексовски, Бобан Николов, Дамјан Шишковски и Кире Маркоски.

Подолу можете да ги погледнете постигнатите резултати како и имињата на добитниците на индивидуалните награди.