Утре на тренинг центарот „Петар Милошевски“ ќе се реализира завршницата од втората сезона од проектот „Фудбал сега, фудбал насекаде“, проект наменет за ученици од основните училишта ширум државата, а организиран од ФФМ во соработка со Федерација на училишен спорт.

Во рамките на втората сезона се организираа континуирани активности за ученици од 2-ро до 5-то одделение од 21 град и учество на 80 основни училишта. Повеќе од 10.000 учесници кои играа фудбал на редовна основа во период септември 2018 - мај 2019. предводени од училишните професори по физичко и здравствено образование како и нивните одделенски наставници. Сите комплименти одат за сите нив со особена благодарност за одделенските наставници кои несебично се заложија за што поуспешна организација и координација, како на училишните, така и на меѓу училишните натпревари на општинско ниво. И покрај тоа што сите учесници се победници, сепак дојде и моментот кога најдобрите екипи од сите училишта, ќе се соберат на тренинг центарот на ФФМ и низ учеството на голем фудбалски фестивал ќе ги добиеме победниците во двете категории.

23. мај 2019., со почеток на натпреварите во 10:00 часот и отворање на турнирот во 09:30 часот, очекуваме повеќе од 600 ученици на кои покрај фудбалот, загарантирано им е и дружењето и забавата. Распоредот на активности и натпревари во двете категории можете да го видите подолу. Воедно, отворена покана до сите заинтересирани и љубители на фудбалот да дојдат и да ја дадат својата поддршка на идните фудбалери.

Распоред 2 фаза 2-3.pdf 

Распоред 2 фаза 4-5.pdf