Во недела од 17:30 започнува новата сезона од Македонската фудбалска лига. Пелагониското дерби Победа - Пелистер и Брегалница - Ренова се натпреварите кои започнуваат во неделниот термин од 17:30 часот. Актуелниот првак Вардар на стадионот „Младост“ во Струмица во 20:00 часот е домаќин на Шкупи, додека пресметката меѓу Шкендија и Силекс е закажана во понеделник од 17:30 на Градскиот стадион во Тетово. Натпреварот Македонија Ѓ.П. - Работнички ќе се одигра в среда (10.08.2016) со почеток во 17:30 часот на стадионот во Ѓорче Петров.

Сите натпревари од Првата фудбалска лига можете да ги гледате во директен пренос на ТВ платформата на ФФМ, tv.ffm.mk

На ТВ платформата на ФФМ, tv.ffm.mk исто така ќе бидат овозможени директни преноси од сите натпревари на екипите од Втората лига.