На 21. Февруари, 2019 во европската куќа на фудбалот во Нион беше одржан ждребот за квалификациите за женското европско првенство кое ќе се одржи во 2021 година во Англија.

Македонската женска А репрезентација беше извлечена од петтиот шешир во групата Г каде за противници ги доби Франција, Австрија, Србија и Казахстан.

Квалификациите ќе се одигруваат во периодот од август, 2019 до септември, 2020 година. Пласман на финалниот турнир ќе обезбедат сите победници од 9те квалификациски групи, како и трите најдобри второпласирани. Останатите шест второпласирани ќе играат бараж за пополнување на последните три места и приклучување кон диркетно квалификуваните и домаќините Англија.

Рекорден број од 47 репрезентации го пријавија своето учество во овие квалификации, кои за прв пат ќе се играат во ваков обем.