Комесарите и замениците комесари на клубовите од Прва и Втора МФЛ во „Куќата на фудбалот“ одржаа работилница на тема – Безбедност и сигурност на фудбалските натпревари. На состанокот со претставниците на клубовите, лицата од службата за безбедност при Фудбалската федерација на Македонија укажаа на потребата од почитување на насоките и кодексот кон кој се стреми ФФМ во однос на прашањето за безбедност на натпреварите, напоменувајќи дека веруваат дека и клубовите го делат мислењето дека низ почитување на законите и подобрувањето на инфраструктурата може да се постигне подобра сигурност за сите оние кои заслужуваат да имаат право слободно да навиваат за своите клубови, а притоа да не бидат загрозени од оние чија намера е искажување на насилно однесување и загрозување на спортот. Претставниците на клубовите полагаа и тестови за стекнување на Комесар за безбедност.