За разлика од првото полувреме од првиот натревар на оваа средба одигравме далеку поквалитетно. Имавме две полушанси преку Кочовски Валентин и Чаволи Андријан. Голот за гостинската селекција во првото полувреме го постигна Дејан Воќиќ во 37 минута со прецизен удар од 20 метри. Истата слика се повтори и во второто плувреме. Играме добро, а по ненавремената блокада во 76 минута, селекцијата на Словенија преку Ален Озболт го постигна вториот гол што воедно беше и последен гол на средбата.

На оваој натпревар за Македонија настапија: Ѓоргиев Душан, Терзиев Горан Амановиќ Алекса, Аломеровиќ Сабахудин, Дигаловски Дарко, Чаволи Андријан (Христов Мартин), Чешмеџиев Константин, Петковски Петар, Стојановски Филип (Андреј Кудијан 87 минута), Емин Лабинот (Сабахудин Алаомеровиќ 53 минута), Кочовски Валентин и Костадинов Тихомир (Боцевски Слободан 80 минута).

Далеку подобро издание од првата средба. Противникот речиси и немаше шанса,а постигна два гола. Направивме две грешки и на крајот сме поразени. Бевме многу поконцентрирани за разлика од првиот натревар. На почетокот од следниот месец имаме камп во Струга, каде што ќе работиме на корекции на она што досега го направивме. – изјави селекторот Вујовиќ.

Со овие две средби продолжија подготовките за октомврскиот квалификациски циклус. Нашата селекција е домаќин на квалификациска група во оваа  категорија. Турнирот кој го организираме се игра од 7 до 15 октомври 2014 година. Македонија е во група со Франција, Босна и Херцеговина и Лихтенштајн.