Селекторот на нашата млада репрезентација, Благоја Милевски за селективниот тренинг камп повика 24 фудбалери. Со исклучок на Амановиќ од српски Телеоптик и Пивковски од Новара, сите други повикани фудбалери настапуваат во домашниот шампионат. Во рамки на селективниот тренинг камп ќе бидат одиграни и два контролни натпревари, на 9. декември со Хоризонт Турново и два дена подоцна, веројатно со тимот на битолски Пелистер.

Голмани: Дамјан Шишковски (Работнички), Игор Алексовски (Македонија ЃП)

Одбрана: Дарко Велковски (Работнички), Леон Најдовски (Македонија ЃП), Алекса Амановиќ (Телеоптик), Виктор Талевски, Филип Ристовски (Металург), Ангелче Тимовски (Силекс), Бесир Демири (Шкупи), Стефан Коцев (Брегалница Ш), Александар Багашовски (Силекс);

Среден ред: Бурхан Мустафов (Пелистер), Кристијан Иванов (Хоризон Турново), Бесмир Бојку (Шкендија), Мартин Мирчевски (Пелистер), Јасир Асани (Вардар) Валентин Кочовски (Хоризонт Турново), Кире Марковски (Работнички);

Напад: Виктор Англелов (Металург), Филип Пивковски (Новара), Марјан Радевски (Металург), Димитар Иванов (Вардар), Љавдрим Скендери (Ренова), Демир Имери (Шкендија);

-Сметаме дека овој начин на работа може да биде многу корисен и за нас како стручен штаб во репрезентацијата и за играчите кои се повикани, а добиваат шанса да се наметнат во националната селекција. Кампот е селективен, повикавме играчи кои преку настапите за своите клубови потврдија дека имаат потенцијал да бидат дел од репрезентативниот состав, а преку овој тренинг камп тоа треба да го потврдат.  Не отстапуваме од начинот кои веќе го применуваме во младата селекција, а тоа е да им се даде шанса на играчите кои играат квалитетно за своите клубови да добијат шанса да се наметнат и во репрезентацијата. Од играчите кои не беа повикани на претходните два натпревари сега ќе добијат шанса Коцев од Брегалница, Багашовски од Силекс, Мирчевски од Пелистер, Кочовски од Турново и Амановиќ кои се наметна преку настапите за репрезентацијата до 19. години. Се надевам дека сите ќе ја сфатат сериозноста на тренинг кампот, а ние ќе имаме појасна слика за квалитетот на играчите кои добиваат шанса и имаат можност да потврдат дека можат да бидат дел од составот и за квалификациските натпревари, изјави селекторот Благоја Милевски.