Репрезентативниот напаѓач потпиша двегодишен договор со тимот на Ал Наср. Во новиот клуб, Тричковски повторно ќе работи со Иван Јовановиќ, тренерот кој беше шеф на стручниот штаб во АПОЕЛ кога кипарскиот тим стигна до четвртфиналето во Лигата на шампионите.

-Презадоволен сум од условите, реков дека ќе ја прифатам најдобрата понуда. Ова е за мене нов предизвик и се надевам дека на новиот предизвик ќе одговорам најдобро што можам, изјави Тричковски.

Во Ал Наср, Тричковски ќе биде замена за бразилскиот напаѓач Едер Луиз. Минатата сезона ја мина на позајмица од Бриж во Васланд-Беверен. Во досегашната кариера има настапувано за Вардар, Работнички, Црвена Звезда, Паралими, АПОЕЛ и Бриж.