Оваа година Фудбалската федерација на Македонија го поддржува светскиот ден на срцето, најголемата светска кампања за подигнување на свеста за кардиоваскуларните болести (CVD), кои вклучуваат болести на срцето и срцев удар, и за едукација на населението за придобивките од активен и здрав животен стил.

Светската Федерација на Срцето во соработка со УЕФА и нивниот официјален партнер за здрав живот – Здрав Стадион, секоја година на 29 септември го одблежуваат Светскиот ден на срцето. Работејќи заедно со европското фудбалско семејство можеме да дадеме значаен придонес кон намалување на предвремена смртност и попреченост предизвикани од кардиоваскуларни заболувања.

Темата на кампањата за светскиот ден на срцето 2018 е Мое срце, Твое срце. Твоето срце е моторот на твоето тело -  затоа е важно да се грижиш за него. Но, грижата за твоето срце не е секогаш лесно да се постигне.

Оваа година, Светската Федерација на Срцето бара од луѓето да дадат ветување за срцето – посветеност кон менување на животните навики со цел да ги одржиме нашите срца здрави. Бидејќи секое срцебиење е важно.

Преку тимска работа со пријателите, семејството и колегите можеме да си помогнеме едни на други во постепено менување на животните навики кое може да има големо влијание на здравјето на срцето на нас самите, но и на здравјето на срцето глобално.

Мали промени, како на пример редовно вежбање, здрава и балансирана исхрана, умерено пиење на алкохол и престанување со пушење цигари може да превенира развивање на кардиоваскуларни заболувања. Доколку се поддржуваме и охрабруваме едни со други, поголема е веројатноста дека ќе почнеме да ги менуваме навиките и дека ќе го одржиме своето сопствено ветување кон срцето..

УЕФА, Здрави Стадиони и Светската Федерација на Срцето заедно се обраќаат кон луѓето со цел да размислат за следното:

Да бидат физички поактивни: за одржување на активен животен стил, возрасните треба да целат кон најмалку 30 минути физичка активност 5 пати неделно. Играњето фудбал е еден од начините да се постигне оваа цел!

Балансирана исхрана: многу од продуктите за исхрана и пиење содржат високи количини на маснотии, сол и/или шеќер. Треба да целиме кон јадење на поголеми количини зеленчук и овошје и да го намалиме внесот на брза храна, и процесирани и зашеќерени пијалоци.

Откажување од пушење цигари: Откажувањето од цигари го намалува ризикот од развој на кардиоваскуларни заболувања, но исто така го намалува и влијанието на второстепено загадување со дим од цигари на непушачите. Лицата треба да побараат професионална помош за поддршка на откажување од пушење..

Умерено пиење алкохол: Кога се конзумира во големи количини, алкохолот може да придонесе кон развивање акутни и долгорочни проблеми со здравјето. Но, доколку се конзумира умерено, алкохолот може да придонесе кон подобрување на социјалните искуства.

Како можете да помогнете

Придружете се кон кампањата и споделете го вашето ветување кон срцето со изведување на <♥> гестот и споделете на социјалните мрежи со употреба на Хаштагот #WorldHeartDay.

Можете да ги следите објавите на Светскиот Ден на Срцето на социјалните медиуми следејќи ги следните профили:

·  Facebook:  /worldheartday

·  Twitter:  @worldheartfed

·  Instagram:  @worldheartday