Голманот на македонската А репрезентација, Столе Димитриевски е позитивен на вирусот „Ковид-19“ и нема да допатува во Скопје за подготовките на А репрезентацијата за натпреварите против Ерменија и Грузија. 

Во текот на вчерашниот ден, пред полетување за Скопје, нашиот репрезентативен голман ги добил резултатите од тестирањето кој за жал, покажале присуство на вирусот Ковид-19. 

Селекторот на македонската А репрезентација, Игор Ангеловски прати дополнителен повик на голманската позиција за Мартин Богатинов од кипарски Етникос Ахна.

Исто така, поради повреда на предната ложа (Qudriceps), подготовките на А селекцијата ги завршува Даниел Аврамовски. Аврамовски и пред почетокот на подготовките беше под знак прашалник за настап, а сериозноста на повредата е причина што фудбалерот на турски Кајсериспор нема да може да биде во комбинација за настап на двата натпревари од Лига на нации против Ерменија и Грузија.