Од стандардниот состав се изоставени Елив Елмаз кој ќе игра во квалификации за репрезентацијата до 19 годинини на турнирот во Полска и Филип Пивковски кој има повреда на скочниот зглоб.  

Јас не би го издвоил овој натпревар како најважен. Ако не ги одигравме претходните девет натпревари на потребното ниво, овој натпревар немаше  ништо да менува. Сите 10 натпревари од квалификациите се подеднакво важни, па така и овој со Шкотска кој ќе го одиграме на домашен терен.

Ние самите како тим сме заслужни што во моментов се наоѓаме на првото место во групата, па со тоа се наметнува желбата и мотивот и на овој последен натпревар играчите повторно да го дадат својот максимум.

Што се однесува до противникот, Шкотска ќе настапи со пет играчи кои беа дел од составот на натпреварот кој го одигравме во гости, додека седум од играчите се нови и доаѓаат од тимот кој играше елитни квалификации за европското до 19 години, во март оваа година. Станува збор за исклучително квалитетни играчи кои играат во тимови како Челзи, Њукасл, Рединг, Селтик, Ренџерс. Ќе бидеме во заблуда ако веруваме дека однапред сме го добиле натпреварот. Ќе треба да одиграме многу подобар натпревар од оној во Шкотска, доколку сакаме да се радуваме на победа.

Мислам дека нашите играчи со своите настапи за репрезентацијата го заслужија вниманието од медиумите и сигурен сум дека јавноста тоа знае да го цени и дека ќе даде максимална поддршка на Националната Арена на 11. октомври! - изјави селекторот Благоја Милевски.

Во продолжение распоредот на тренинзите на репрезентацијата до 21 година:

03 октомври – 16.00 – 18.00 (ФФМ ТРЕНИНГ ЦЕНТАР)

04 октомври – 11.00 – 13.00 (ФФМ ТРЕНИНГ ЦЕНТАР)

05 октомври – 11.00 – 13.00 (ФФМ ТРЕНИНГ ЦЕНТАР)

06 октомври – 11.00 – 13.00 (ФФМ ТРЕНИНГ ЦЕНТАР)

07 октомври – 18.00 – 20.00 (ФФМ ТРЕНИНГ ЦЕНТАР)

08 октомври – 18.00 – 20.00 (ФФМ ТРЕНИНГ ЦЕНТАР)

09 октомври – 18.00 – 20.00 (ФФМ ТРЕНИНГ ЦЕНТАР)

10 октомври – 16.30 – 18.00 (ФИЛИП ВТОРИ АРЕНА )