Репрезентацијата на Македонија до 18 години ќе одигра два контролни натпревари против Бугарија до 18 години. Дуелите ќе се одиграат на 12. април (вторник) со почеток во 16:00 часот и 14. април (четврток) со почеток во 11:00 часот на тренинг центарот „Петар Милошевски“ во Скопје.

Селекторот на Македонија до 18 години, Јетон Несими за пријателските натпревари против Бугарија ги повика следните фудбалери:

Голмани: Трајчевски Филип (Вардар), Јанков Ристе (Работнички);

Одбрана: Стојковски Виктор (Металург), Садики Нехар (Еуромилк), Митрев Антонио (Металург), Тодоровски Тодор (Металург), Маневски Михаил (Академија Пандев);

Среден ред: Здравковски  Давор (Македонија ЃП), Елмаз Елиф (Работнички), Хани Агон (Младост ЦД), Есмин Личина (Вардар), Албан Сулејмани (Ренова), Додев Дарко (Металург), Миловановиќ Даниел (Академија Пандев), Шефити Шефит (Шкендија);

Напад: Александар Мишев (Академија Пандев), Ристовски Милан (Работнички), Ердон Даци (Вардар);

Собирот на нашиот тим е закажан во понеделник, 11. април.

Македонската репрезентација се подготвува за октомврискиот квалификациски циклус во Полска и веќе одигра два пријателски натпревари против селекцијата на Финска. На квалификациите за пласман во елитната фаза, Македонија е во група со Словачка, Северна Ирска и домаќинот Полска.