Младата репрезентација на Македонија до 15 години го одигра вториот натпревар од УЕФА развојниот турнир кој се одржува во Сан Марино. Избраниците на селекторот Добринко Илиевски ја забележаа и втората победа на овој турнир.

Македонија издвојува победа со 3:1 над селекцијата на Андора. Во листата на стрелци на овој меч се запишаа Амел Рустемовски, Бојан Колевски и Никола Спасов. Нашите млади фудбалери одиграа уште еден одличен натпревар и сосема заслужено ја остварија втората победа од развојниот турнир. Во вториот натпревар од групата, селекциите на Сан Марино и Албанија одиграа нерешено без голови.

Македонската репрезентација утре ја игра последната средба против Албанија.

МАКЕДОНИЈА: Мите Секулов, Кристијан Додевски, Бесник Ферати, Стефан Симоновски, Амел Рустемовски, Алтин Сефо, Лука Трајкоски, Филип Алексовски, Васил Крстев, Кристијан Димов, Филип Бошковски; Селектор: Добринко Илиевски;