Одделението за лиценцирање на Фудбалската федерација на Македонија за потребите на клупското лиценцирање за учество во УЕФА Лига на Шампиони за жени, како и за учество во Прва ЖФЛ, во просториите во „Куќа на фудбалот“ одржа работилница со сите пријавени клубови од женската прва лига.

Почнувајќи од сезона 2020/21 за учество во УЕФА и ФФМ натпреварувања, клубовите од ЖФЛ покрај спортскиот пласман мораат да исполнат и одредени критериуми кои се предвидени во Анекс 8 од ФФМ Правилникот за лиценцирање на клубови. На работилницата беа презентирани критериумите кои клубовите мора да ги исполнат за да учествуваат во овие натпреварувања, како и практична презентација за пополнување и достава на соодветната документација.

Почетокот на лиценцирањето во женскиот фудбал е уште еден чекор кон подобрување на структурата на клубовите и натпреварувањето, како и унапредување на женскиот фудбал воопшто.