Работилница за клубско лиценцирање за клубови од Втора МФЛ (исток и запад)

Објавено на 11 Декември, 2017 во Лиценцирање, Вести


Одделението за лиценцирање, а во склоп на програмата за подршка и обука на клубовите во процесот на лиценцирање за добивање лиценца за натпреварување во Втора МФЛ (Исток и Запад) ќе одржи работилница/обука на клубовите кои во сезона 2017/18 се натпреваруваат во Втора МФЛ (Исток и Запад).

Работилницата ќе се одржи на 15.12.2017 (петок) со почеток во 11.00 часот во Хотел Карпош – Скопје. На оваа работилница ги покануваме Претседателите и Генералните Секретари на клубовите кои во сезона 2017/18 се натпреваруваат во Втора МФЛ (Исток и Запад). Доколку клубот цени дека има потреба од присуство на уште еден претставник кој е директно вклучен во процесот на лиценцирање, истиот треба да го пријави. Потврда за присуство клубовите треба да испратат најдоцна до 13.12.2017 (среда) на електронска адреса:

mario.gjurcinovski@ffm.com.mk  

Програмата на работилницата започнува во 11.00 часот, а пријава и регистрација на присутни започнува од 10.30 часот. Програмата предвидува презентација на сите пет критериуми од правилникот за лиценцирање, со посебен осврт на исполнување на правен и финансиски критериум доколку клубот се пласира во Прва МФЛ. Програмата завршува во 14.00 часот со заеднички ручек.

Во склоп на оваа работилница ќе се одржи и состанок со Комесарите на безбедност на клубовите од Втора МФЛ (исток и запад), со комесарот за безбедност на ФФМ и претставници на МВР. За таа цел ги покануваме и Комесарите за безбедност или нивните заменици на клубовите кои во сезона 2017/18 се натпреваруваат во Втора МФЛ (Исток и Запад).




   
   
А репрезентација