На тренинг центарот „Петар Милошевски“ контролен натпревар одиграа фудбалските паралелки на Скопје и Штип. Убедлив триумф од 7-1 оствари фудбалската паралелка од Скопје.

Фудбалерите од скопската паралелка беа подобар противник во текот на целиот натпревар и заслужено се радуваа на убедлива победа. По два гола постигнаа Филиповски Леон, Трпевски Александар и  Јакимовски Дарко, а еден погодок постигна Адиловски Астрит. Единствениот гол за паралелката од Штип беше дело на Анчов Драган.

Тренерите во Паралелката Скопје, Ѕвонко Златановски и Роберт Стојановски дуелот го започнаа во следниот состав: Тимевски Бојан, Бесар Буши, Адиловски Астрит, Здравковски Нинослав, Таневски Самоил, Насковски Гоце, Бислими Гент, Фетиши Аган, Алексовски Филип, Филиповски Леон, Димовски Никола.

Димитар Маџуранов и  Никола Кузманов, предводниците на паралелката Штип средбата ја започнаа во следниот состав: Сандевски Марио, Јанковски Денис, Стоилоски Никола, Нацев Иле, Лазев Никола, Гоцевски Марио, Ратков Антон, Стојанов Мартин, Миовски Бојан, Велиновски Кристијан, Ласков Борче.