Одржана работилница со лицата задолжени за односи со медиумите на клубовите од МФЛ

Објавено на 22 Февруари, 2024 во Вести


Фудбалската федерација на Македонија организираше работилница наменета за лицата во клубовите од Прва и Втора МФЛ и Прва женска фудбалска лига задолжени за односите со медиумите. 

Во дигиталната ера која постојано се развива, улогата на лицата одговорни за односите со јавноста е клучна во обликувањето на јавната перцепција за фудбалските клубови, играчите и другите засегнати страни.

Семинарот имаше за цел да ги подготви и да им даде насоки на одговорните лица во клубовите за ефективно управување со односите со медиумите и обезбедување точна и навремена комуникација со јавноста и медиумите. 

Беа опфатени низа теми, вклучително и управување со социјалните медиуми и користењето на најдобрите практики за одржување позитивни односи со новинарите. Учесниците на работнилницата беа вклучени во интерактивни сесии кои покриваа различни теми, но фокусот беше ставен на проактивен медиумски ангажман, искористување на моќта на платформите на социјалните медиуми, односите со новинарите и потребата од интервјуирање и изјави. 

Веруваме дека овој семинар ќе биде од корист за подобрувањето на нивните професионални способности и придонесот за севкупниот успех на нивните клубови. Исто така, ќе поттикне посилни канали за комуникација помеѓу клубовите, медиумите и пошироката фудбалска заедница, а тоа ќе придонесе за севкупниот успех и угледот на клубовите во нашата држава.





   
   
Актуелности

08.04.2024    Вести

Македонија до 14 години: Второ реми без голови против Турција

Неџат Шабани: Бевме подобар противник и заслуживме барам победа на еден од двата натпревари....

06.04.2024    Вести

Женската репрезентација до 19 години запиша нова победа

Селекцијата на Астрид Мерко славеше со 2:0 против Литванија....

Календар
А репрезентација