На седницата на управниот одбор која се одржа во четврток на 10. декември меѓу другото беа донесени и следните одлуки:

-  Беа усвоени извештаите од органите и телата на Фудбалската Федрација на Македонија од есенскиот дел од натпреварувачката сезона 2015/16;

-  Се усвои правилникот за лиценцирање на клубови за учество во натпреварувања во организација на УЕФА;

-  Беа донесени пропозициите за КУП натпреварувањето во мал фудбал

-  Се утврди предлог буџетот за 2016 година;

-  Се именуваше досегашниот вршител на должност селектор на А репрезентацијата, Игор Ангеловски во Селектор на А Репрезентација;

-  Се именуваше досегашниот вршител на должност генерален секретар на ФФМ, Филип Поповски во Генерален Секретар на Фудбалска Федерација на Македонија.

На седницата управниот одбор ги потврди и номинациите и добитниците на награди за манифестацијата Најдобрите во Македонскиот Фудбал за сезона 2014/15, кои ќе бидат свечено доделени на 15. декември, 2015 г. во Македонскиот Народен Театар со почеток во 19.00 часот.