Младинците на Металург на пенали го победија Вардар за наслов во Купот на Македонија. Металург славеше со 5:3 во младинското финале на „Филип Втори“ против Вардар. Во регуларните 90 минути, двата тима одиграа 1:1. Металург обезбеди предност од 1:0 во 27 минута со погодокот од слободен удар на Михајло Митрев. Во 69 минута, Вардар го постигна погодокот за израмнување преку Енсар Сулејмани.

Во пенал рулетот решавачка беше втората серија кога голманот на Металург, Мирзад Дураковиќ го одбрани ударот на Димитар Иванов.

Младинците на Металург и лани по подобро изведување пенали против Ренова го славеа Куп трофејот.

ВАРДАР – МЕТАЛУРГ 1-1 (0-1)
Стрелци: Сулејмани 69′ (В); Митров 27′ (М)

ВАРДАР: Јаневски, Стојановски, Недески, Серафимовски, Велковски, Ангеловски, Бошевски( 67′ Мемеди), Симјановски (63′ Филиповски), Иванов, Георгиевски (46′ Мирчевски), Распашковски (58′ Сулејмани)
МЕТАЛУРГ: Дураковиќ, Ристовски (68′ Ѓорѓиевски), Каранфиловски, Илиески, Дигаловски (77′ Шопоски), Наумоски, Али (42′ Христов), Митров, Чаволи (65′ Јевтовски), Јакимовски, Ѓорѓиев (90′ Ѓорѓиевски)