Младата репрезентација на Македонија до 14 години денеска го одигра првиот од двата контролни натпревари против селекцијата на Кипар. На тренинг центарот „Петар Милошевски" младите фудбалери успеаа да забележат победа.

Избраниците на селекторот Марио Вујовиќ одиграа добар натпревар, во кој беа подобар противник и сосема заслужено остварија победа од 2:1 над селекцијата на Кипар. Првиот гол на средбата беше дело на Иван Николов во 33. минута. Во првиот дел имавме уште неколку добри прилики да постигнеме уште еден погодок. 

Во продолжението од мечот, противникот го зададе првиот удар. Во 54. минута Караломпус погоди за израмнување на резултатот. Голот за победа на младата селекција на Македонија беше дело на Филип Андоновски во 70. минута.

МАКЕДОНИЈА: Станковски, Ѓурковски, Горгиев, Станковски, Сали, Стојменов, Костовски, Илиевски, Ајдини, Николов, Игњатов; Селектор: Марио Вујовиќ