Македонија до 21: Пораз од Србија минимален со 2:1

Објавено на 24 Март, 2022 во Вести, До 21 год


Репрезентацијата на Македонија до 21. година загуби на гостувањето кај Србија со конечни 2:1 во рамките на 7. коло од  квалификации за пласман на Европско првенство 2023 година во Романија и Грузија. Избраниците на селекторот Драган Канатларовски не успеаа да ја остварат целта, да останат непоразени на денешната средба. Противникот не не надигра, но успеа да ги искористи укажаните можности и да оствари многу битна победа во трката за едно од местата кои водат во баражот од квалификациите.

Репрезентацијата на Србија рано успеа да поведе со 1:0, максимално искористувајќи едно наше невнимание во одбраната.Корнерот изведен од лево, на вториот дирек го пречека Пантовиќ и иако топката не ја зафати екстра силно сепак, нашата одбрана не реагираше најдобро, па топката од земја одседна во гол. Македонија до крајот на првиот дел успеа да ја стабилизира играта, но немавме премногу идеја во завршницата. Имавме неколку обиди да се закани по голот на противникот, но безуспешно.

Во продолжението Македонија во 66. минута остана со играч помалку на теренот. Исени се обиде да спречи опасна контра на противникот, но направи прекшок и доби втор жолт картон. Селекцијата на Србија тоа го искористи на најдобар можен начин. Одиграа една убава акција во која ударот со глава од само неколку метри Денковски бравурозно го брани, но на таа топка налетува Јовиќ и реализира за 2:0.

Нашите млади фудбалери веќе во следниот напад успеаа да го намалат водството на противникот и колку толку да ја вратат неизвесноста на мечот. Димоски во својот прв контакт со топката откако влезе во игра одлично и избега на одбраната на Србија и погоди за 2:1.

Македонија: Денковски, Хајдари, Антовски, Исени, Манев, Воша (Максимов 80), Фазлагиќ, Ѓоргиевски (Рустемоски 66), Емини (Тодоровски 77), Шеји (Илиевски 66), Гроздановски (Димоски 78);



   
   
Актуелности

27.03.2024    А репрезентација - Вести

„Анталија Куп 2024

Младата репрезентација на Македонија до 18 години одигра нов добар натпревар и ја забележа втората победа во рамките на ...

Календар
А репрезентација