Младата репрезентација на Македонија до 21 година во последниот натпревар од септемврискиот циклус квалификации за пласман на Европско првенство 2025 успеа да забележи победа со 2:0 над селекцијата на Гибралтар.

Избраниците на селекторот Драги Канатларовски ја остварија третата победа во рамките на групата Ц од овие квалификации.

И во првиот натпревар помеѓу овие две селекции во Скопје, на националната арена „Тодор Проески" Македонија успеа да забележи победа со минимални 1:0.

Ване Крстевски во 24. минута ја доведува Македонија до предност, по одличното проигрување од Адеми.

Адеми во 42. минута ги поставува конечните 2:0.

Македонија: Алчевски, Деспотовски, Рамадани (78. Ангелов), Стојчевски, Џеков, Николов (90. Мелиќи), Фета (66. Чилафи), Крстевски, Исаки (45. Ѓорѓиевски), Трпчевски (90. Рамани), Адеми;

Селектор: Драги Канатларовски;