Младата репрезентација на Македонија до 19 години одигра нерешено 1:1 против селекцијата на Летонија во рамките на првото коло од Уефа квалификацискиот турнир за пласман на Европско првенство кое ќе се одржи 2025 година во Романија.

По првото полувреме на мечот кој беше одигран во Диферданж, во Луксембург, немаше погодоци, иако нашите репрезентивци во неколку наврати имаа одлични прилики за постигнување на погодок.

Во продолжението Летонија преку Мицкевиќ погодува за предност од 1:0. Гаштаров во 76. минута го израмни резултатот.

Во второто коло, копјата ќе ги вкрстиме со Словачка. Во последното коло од квалификацискиот турнир играме против домаќинот, репрезентацијата на Лускембург.