Младата репрезентација на Македонија до 18 години денеска на тренинг центарот „Петар Милошевски", во Скопје го одигра првиот од двата контролни натпревари против соодветната селекција на Босна и Херцеговина.

Нашите млади фудбалери предводени од селекторот Димитар Капинковски на денешната средба беа поразени со 3:1.

По првиот дел мрежите мируваа, и двете селекции пропуштија по неколку сериозни можности за гол.

На почетокот на второто полувреме, во 47. минута,Дин Рамиќ постигнува погодок за предност на противникот од 1:0. Бенјамин Кадириќ во 59 минута ја зголеми предноста на репрезентацијата на Босна и Херцеговина.

Ненад Дамјаноски две минути подоцна успеа да погоди за Македонија и за момент ја врати неизвесноста на денешниот меч.

Сепак противникот со голот на Боговиќ во 83. минута успеа да ја врати предноста и  да слави победа со вкупни 3:1.

Втората контролна средба помеѓу овие две селекции е закажана на 20. февруари на истиот стадион со почеток во 11.00 часот.

Контролен натпревар во Скопје;

Репрезентации до 18 години;

Македонија - БиХ     1:3 (0:0)

Македонија: Антониј Трајковски, Албан Рочи, Мартин Џангаровски, Матео Кесиќ, Мухамед Мустафи, Ненад Дамјаноски, Давид Ангелевски, Дитмир Хоџа, Александар Грашески, Стефан Бранковски, Дамјан Буцевски;

Резерви: Александар Трајков, Дарко Јовчев., Лорент Жаку, Стефан Стаматоски, Христијан Јевтоски, Андреј Димовски, Флорент Османи, Назиф Цека, Иво Марковски, Иван Танчев, Малик Дурак, Стефан Секирски;

Селектор: Димитар Капинковски;