Македонија до 17: Без голови против Полска во првото коло од квалификацискиот турнир

Објавено на 07 Октомври, 2021 во Вести, До 17 год


Репрезентацијата на Македонија до 17 години одигра нерешено без голови против соодветната селекција на Полска во рамките на првото коло од квалификацискиот турнир за пласман во Елитна фаза што се игра во Рапублика Ирска.

Македонија може да жали за пропуштените шанси на овој натпревар. Во првото полувреме најдобрата прилика ја имавме пред самиот крај кога Назифи одлично шутираше, но противничкиот голман интервенираше извонредно, и успеа да го сочува својот гол. Во продолжението од акцијата не беше досуден чист пенал за нашата селекција.

Во вториот дел уште две добри прилики не беа искористени од наша страна. Одличен удар имаше Таири во 72. минута од средбата. Минута подоцна Назифи повторно се закани по голот на противникот, но немаше среќа да погоди.

Избраниците на селекторот Тони Јакимовски на 10 октомври играат против домаќинот, селекцијата на Република Ирска

Квалификациски турнир:

Македонија 17 – Полска 17  0:0 (0:0)

Македонија: Давид Стојановиќ, Андреј Аризанкоски, Марко Стојилевски, Даниел Марковски, Матеј Јаневски, Мартин Ѓорѓиевски, Адриан Зенделовски, Кире Стојанов, Мухамед Елмас, Зани Назифи, Леин Таири;

Резерви: Самоил Талевски, Симеон Здравковски, Анес Мелиќи, Хадис Таири, Стефан Тодоровски, Амир Нухија, Азис Јамини, Никола Манојлов, Умерфарук Сулејман;

Селектор: Тони Јакимовски;




   
   
Актуелности

27.03.2024    А репрезентација - Вести

„Анталија Куп 2024

Младата репрезентација на Македонија до 18 години одигра нов добар натпревар и ја забележа втората победа во рамките на ...

Календар
А репрезентација