Македонија до 16 години ќе учествува на турнирот „Јосип Каталински – Шкија“ во БиХ

Објавено на 30 Март, 2016 во Вести, До 17 год

Македонската репрезентација до 16 години од 1. до 3. април 2016 година ќе учествува на меморијалниот фудбалски турнир „Јосип Каталински – Шкија“ кој се одржува во Зеница и Сараево, Босна и Херцеговина. Селекторот на нашиот национален тим до 16 години, Добринко Илиевски за претстојните натпревари на турнирот во Сараево ги повика следните фудбалери:

Голмани: Малик Зибери (Вардар), Лука Наков (Љубанци);

Одбрана: Виктор Ризанковски (Пелистер), Филип Антовски (Вардар), Борис Јакимовски (Работнички), Стефан Симоновски (Работнички), Кристијан Додевски (Металург), Бесир Рамадани (Шкупи), Давид Стојков (Академија Пандев), Никола Спасов (Академија Пандев);

Среден ред: Енсар Љуна (Шкендија), Филип Стојановски (Еуромилк), Стефан Колевски (Работнички), Марио Наумоски (Металург), Енис Фазлагиќ (Шкендија), Александар Ѓорѓиески (Вардар);

Напад: Саит Битиќи (Вардар), Васил Крстев (Академија Пандев), Муса Мевмедовски (Триглав Крањ, Словенија), Бојан Колевски (Металург), Зоран Ивановски (Академија Пандев), Лука Трајковски (Победа);

-На турнирот „Шкија“ во БиХ ќе настапиме со комбиниран состав, голем дел од играчите од оваа селекција имаат клупски обврски и не можат да се стават на располагање за натпреварите во Сараево. Од друга страна, ова е убава можност да им дадеме шанса на другите фудбалери да се наметнат, да покажат квалитет и евентуално да се наметнат во репрезентацијата за поважните натпревари кои ни следуваат. На средина од месец април не очекуваат дуели од развојниот турнир на УЕФА и фокусот ќе ни биде на тие натпревари против Украина, Казакхстан и Луксембург. Се надевам дека и со овој состав ќе покажеме квалитет и достојно ќе се претставиме на турнирот во Сараево, изјави Добринко Илиевски, селектор на репрезентацијата до 16 години.

На турнирот „Јосип Каталински – Шкија“ќе учествуваат репрезентацијата на Босна и Херцеговина до 16 години, селекцијата на град Белград, како и заедничката селекција на Сараево и источно Сараево.

Полуфинале, 2. Април 2016, Тренинг центар БиХ, Зеница

Босна и Херцеговина – Селекција на град Белград (11:00)

Македонија - Селекција на Сараево и источно Сараево (16:00)

Натпреварите за пласман се играат на 3. април на стадионот „Грбавица“ во Сараево.

Хрватската репрезентација до 16 години во 2012 година беше првиот победник на турнирот. Босна и Херцеговина, Соединетите Американски Држави и селекцијата на град Белград беа победници во последните три години.