Македонија Ѓ.П. и Академија Пандев вечерва од 18:30 часот на Националната арена „Тодор Проески“ ќе го одиграат 27. финале од Купот на Македонија. 

Две екипи кои апсолутно заслужено се најдоа во завршниот меч во нашето најмасовно фудбалско натпреварување. Искуството на „лавовите“ или младоста на „пандевци“? Што ќе пресуди? Ќе видиме по мечот, по големото куп финале бр.27 во самостојна Македонија. На пехарот ќе се израдува цело Ѓорче или пак Струмица. 

Македонија ЃП по третпат ќе игра еден ваков натпревар во својата историја. Во 2006. година успеа со 3:2 да слави над Шкендија, три години подоцна загуби од Работнички на пенали. На Академија Пандев во својата куса клупска историја ова и е најголемиот меч досега. Ова финале ќе донесе многу емоции, во ова финале ќе ја гледаме бразилската колонија во Македонија Ѓ.П. потпомогната од искусните Стјепановиќ, Божиновски, Кировски. На другата страна повремениот репрезентативец Дориев, потоа Сашко Пандев, Стоилов, Стојкоски, Шиков и останатите.

Шармот што ги носи овие финални дуели е нешто посебно.  На линкот подолу, преземете ја официјалната инфо - брошура за финалето од Купот на Македонија: 

Куп на Македонија 2019 - Македонија Ѓ.П. - Академија Пандев .pdf