Новата генерација на фудбалери до 21 година со победа ги отвори квалификациите за пласман на Европското првенство во 2019 година. На гостувањето кај Ерменија славеа со убедливи 3-0. Стрелец на трите голови беше Тихомир Костадинов. 

Селекторот Благоја Милевски и неговите избраници доминираа во текот на целиот меч, дека ова ќе биде триумфален почеток најавивме уште во првото полувреме по кое имавме водство од 2-0.

Двојното водство на полувреме не не опушти напротив, и во второто полувреме продолживме во исто темпо. Домаќинот еднаш се закани и тоа на средината од вотрото полувреме со удар од дваесетина метри и тоа беше се. 

ЕРМЕНИЈА – МАКЕДОНИЈА 0-3 (0-2)

Стадион на Академија на ЕФФ. Гледачи: 300. Стрелци: Костадинов 8′, 26′, 72′ (М). Ж. картони: Амановиќ, Симовски (М).

ЕРМЕНИЈА: Авагјан, Карташјан, Хабокјан, Хајрапетјан, Илјагозјан, Ашланјан, Галштајн, Бичаклчјан, Саргсајн, Хабокјан, Петросјан

Селектор: Артур Восканјан

МАКЕДОНИЈА: Илиќ, Попзлатанов, Амановиќ, Симовски, Чешмеџиев, Кулески, Тотре, Селмани (82′ Петковски), Елмас, Георгиев (68′ Абаз), Костадинов (77′ Здравковски)

Селектор: Благоја Милевски

ТАБЕЛА: Ерменија (од 3 натпревари) 4 бода, Србија (1 нат.) 3 бода, МАКЕДОНИЈА (1 нат.) 3 бода, Русија (1 нат.) 1 бод, Гибралтар (3 нат. ) без бодови.