Извлечени паровите за првата рунда од Купот на Македонија

Објавено на 15 Септември, 2020 во Куп на Македонија, Вести


Во „Куќа на фудбалот“ беа извлечени паровите за првите натпревари од Купот на Македонија за натпреварувачката сезона 2020/21. 

Полуфиналистите од ланското издание Шкендија, Академија Пандев, Брегалница и Струга Трим Љум ќе ја прескокнат првата рунда, а полудиригирана жрепка ги даде следните парови:

Кит-Го - Скопје
Победа - Македонија Ѓ.П.
Љуботен - Пелистер
Слога Виница - Шкупи
Вардар Форино - Вардар
Велешта - Кожуф
Росоман - Беласица
Охрид - Ренова
Лабуништа Тетекс - Силекс
Каменица Саса - Борец
Гостивар - Тиквеш
Вeлазерими - Работнички

Поради пандемијата со Covid-19 ќе има променет формат и сè до финалето ќе се игра по еден натпревар, а при нерешен резултат директно ќе се изведуваат пенали.

Натпреварите од првата рунда ќе се одиграат на 23. септември од 15:30 часот. Осминафиналните дуели ќе се одиграат на 21. октомври, а четвртфиналните пресметки на 25. ноември. Полуфиналето ќе се игра на 7. април, а мечот за трофејот на 19. мај.




   
   
А репрезентација