Илија Несторовски: Гордо ќе ја претставуваме Македонија и се надевам на пласман на Европско првенство

Објавено на 09 Ноември, 2020 во Вести, Вести


Еден од нашите напаѓачи во А репрезентацијата на Македонија, Илија Несторовски од италијански Удинезе, во пресрет на почетокот на подготовките за натпреварот Грузија - Македонија вели дека дојде време репрезентацијата да се подготви за најважниот натпревар во историјата на македонскиот фудбал. 

- Конечно дојде собирот и подготовките за нашиот историски натпревар. Четири, пет години се бориме за ова и сега е време да се подготвиме за најважниот натпревар во историјата на македонскиот фудбал. Јас и цела репрезентација ветуваме дека ќе го дадеме максимумот за да ја оствариме целта. Ќе биде сосема поразлично од претходните натпревари. Срцето и желбата за победа ќе решаваат.

- Знаеме кои се добри, а кои лоши страни на грузијците, но овие денови ќе ги анализираме и се надевам на многу позитивни работи. Имаме многу големи натпревари зад нас, не чувствуваме притисок. Гордо ќе ја претставуваме Македонија и се надевам дека ќе се пласираме на Европското првенство, изјави Илија Несторовски. 




   
   
Актуелности
Календар

07 Окт

16:00 Фарски Острови - Македонија
    У21 квалификации за Европско

08 Окт

20:45 Лихтенштајн - Македонија
    А репрезентација квалификации за Светско

11 Окт

20:45 Македонија - Германија
    А репрезентација квалификации за Светско
А репрезентација