Селекторот на Македонија до 21 година Добринко Илиевски по објавувањето на списокот со повикани фудбалери за квалификациските натпревари против Србија (07. септември) и Ерменија (11. септември) истакна дека главна задача во оваа фаза е да се врати самодовербата кај фудбалерите и вербата во оваа селекција. 

-Не очекуваат два натпревари од тековниот квалификациски циклус, против Србија на гостински терен и против Ерменија во Скопје. Ова  е подмладен состав на Македонија до 21 година и на некој начин вовед за следниот квалификациски циклус и идните предизвици кои ја очекуваат оваа репрезентација. Голем дел од фудбалерите се од генерацијата `99 и помлади и имаа одлични настапи во Елитната фаза квалификации до 19 години, истакна Илиевски. 

-Србија е непоразена, односно нема загубено бод во квалификациите и ќе настојува со сите сили да го освои првото место и да се пласира на ЕП. Нашите шанси за висок пласман се загубени, но сериозноста во пристапот не е намалена. Нашите амбиции и желби се исто тата големи за да се направи добар резултат, да се врати самодовербата кај фудбалерите и вербата во оваа селекција. Секој освоен бод ќе значи многу за подобрување на пласманот и ќе се обидеме максимално да се подготвиме за натпреварите, заврши селекторот на Македонија до 21 година.