Љубителите на македонскиот фудбал в недела ќе имаат можност првенствениот натпревар меѓу ФК „Вардар“ и ФК „Шкендија“ на Националната арена „Филип Втори“ да го гледаат во живо преку интернет страната на Фудбалската федерација на Македонија www.ffm.mk.  Следејќи ги новите технологии и светските трендови,  а со цел љубителите на фудбалот кои нема да бидат во можност да дојдат на самиот натпревар, или пак нема да бидат во својот дом од различни причини, им е овозможено да го гледаат натпреварот преку својот компјутер, или телефон, а за тоа им е потребно само интернет конекција и да го посетат сајтот на ФФМ. Натпреварот се игра в недела од 19.00 часот.

Во сабота од 17.30 часот пренос на Македонската телевизија ќе има од натпреварот Ренова - Работнички, натпревар од второто коло од првата лига.

Вардар – Шкендија, 10. август, 19.00 часот.  Приклучете се на www.ffm.mk