Стадионот во Прилеп по реконструкцијата ќе ги исполнува сите стандарди за одигрување меѓународни натпревари, во согласност со строгите стандарди на УЕФА. Проектот ќе опфати поставување на нова тревна подлога, реконструкција на подтрибинскиот простор, соблекувални, службени простории и осветлување за одигрување на натпревари во вечерни термини.

Со потпишаниот договор општина Прилеп се обврза да го заврши својот дел од реконструкцијата на стадионот, а се со цел во Македонија да има уште еден репрезентативен фудбалски објект.

Прилеп како еден од нашите најголеми спортски центри ја заслужува сета поддршка која ФФМ ја дава и се надеваме дека за љубителите на фудбалот во градот ова ќе биде мотив повеќе да ја дадат својата поддршка на фудбалот во сите негови аспекти - изјави претседателот на ФФМ, Илчо Ѓорѓиоски.