Првите оперативци на двете федерации разговараа за бројни актуелни теми поврзани со европскиот фудбал, со акцент на случувањата во регионот, посебно со преложеното клупско регионално натпреварување што како иницијатива и предлог до УЕФА го претстави нашата федерација.

-Ние имаме стратегија за работа со млади категории и развивање на инфраструктурата за создавање еднакви услови за работа и тренинг на сите млади кои се занимаваат со фудбал. Веруваме дека резултатите нема да изостанат ако вложуваме средства, труд и време во долгорочен развој на спортот, како во случајот со Турција каде одлично се работи на инфраструктурата и вложувањата во млади фудбалери. За нас е многу значајно што го споделуваат своето искуство со нас. Во фудбалот резултатите не доаѓаат веднаш, потребно е долгорочно да се планира, да се работи на поставената програма и да се измерат резултатите како би можеле да спроведеме корективни мерки за понатамошно подобрување. Верувам дека и ние ќе оствариме добри резултати ако се придржуваме до стратегијата која ја наметнавме кога е во прашање младинскиот фудбал и инфраструктурното подобрување, вели Филип Поповски.

Високиот гостин од Турција посебно се интересираше за преложеното клупско регионално натпреварување што како иницијатива и предлог до УЕФА го претстави нашата федерација и веќе доби низа позитивни коментари од другите федерации во регионот.

-Регионалното клупско натпреварување е многу интересно за Турција, на одреден начин тие би биле лидери во „проектот“ имајќи ја предвид силата на нивните клубови, бројот на гледачи кои доаѓаат на стадионите и ефектот од телевизиските права. Идејата е претставена и очекуваме поддршка од сите заинтересирани страни бидејќи цврсто веруваме дека тоа е за доброто на фудбалот во регионот, додаде Поповски.