Македонската репрезентација до 20 години (генерација 2002/2003) славеше против Косово со 1:0 на првиот контролен натпревар меѓу двете селекции одигран на тренинг центарот „Петар Милошевски“.

Луан Абази во 63. минута го постигна голот за победа на Македонија. Избраниците на селекторот Драги Канатларовски беа подобар противник во текот на целиот натпревар и заслужено остварија победа. Нашата селекција создаде неколку одлични прилики за погодок, посебно во првото полувреме, но недостасуваше реализација. Гостите немаа сериозна шанса да го загрозат нашиот гол.