Футсал тимот на Јувентус Серава славеше против Гемиџии 1903 и го освои пехарот во Купот на Македонија. На финалниот натпревар во Гостивар, Јувентус со 4:1 го совлада тимот на Гемиџии 1903.

Ељеса Незир уште во втората минута го постигна водечкиот гол за Јувентус, а предноста ја удвои Јакуп Рамадан во осмата минута за 2:0. Тимот на Гемиџии 1903 во 19. минута ја врати неизвесноста и преку Александар Михајлов намали на 2:1. Тоа беше резулат на полувреме.

Во вториот дел, Јувентус ја потврди фаворитската улога и со два нови погодоци на Ељеса Незир во 27. и 39. минута ја запечати победата и го славеше трофејот во Купот на Македонија.

Двата тима прв пат се соочија во битка за пехарот во Купот на Македонија.

КМФ ГЕМИЏИИ - КМФ ЈУВЕНТУС Серава 1:4 (0:2)

Финале Куп на Македонија, Спортска сала Гостивар

КМФ ГЕМИЏИИ: Марјан Трпков, Адил Адиловиќ, Жарко Спасовски, Александар Михајлов, Владимир Нанев, Методија Костов, Ратко Јовановски, Јосиф Манасиев, Сашко Јовановски, Саше Димов, Христијан Јовановски, Ален Плакиќ, Благој Левков, Никола Саздовски;

КМФ ЈУВЕНТУС Серава: Бурхан Идризи, Јакуп Рамадан, Џељал Мјаку, Ељеса Незир, Еркан Шабани, Бујар Буќи, Али Решат, Бесник Љатифај, Енес Јусуфи, Мевран Османи, Пајтим Реџепи, Самир Вели, Осман Мустафа;