Француските великани Ерик Абидал и Роберт Пирес со комплименти за изданието на Македонија до 21 година против Франција

Објавено на 30 Март, 2016 во Вести, До 21 год

Големите имиња на францускиот фудбал и легендарни фудбалери на Барселона и Арсенал, Ерик Абидал и Роберт Пирес беа во улога на стручни коментатори на натпреварот Франција – Македонија за репрезентации до 21 година кој заврши 1:1 од квалификациите за Европското првенство. Во продолжение клучните поенти од коментарот на Абидал и Пирес.

-Македонија знаеше што сака уште од самиот почеток. Од првите минути силно ја притиснаа Франција, на големо изненадување на сите. Нашите репрезентативци не знаеја како да се снајдат и Македонија заслужено поведе. Не направивме ниту една колективна акција и се обидувавме само индивидуално. Дефанзивецот си даде несреќен автогол, сакајќи да ја исфрли топката во корнер, но и покрај тоа македонските репрезентативци не паднаа на психолошки план, а тоа говори за нивната добра подготвеност и квалитетната работа на нивниот селектор. Имаат добар тим и со добра работа можат да бидат носители и во сениорската репрезентација, изјави Ерик Абидал.

-Искрено, оваа селекција на Македонија беше подобро технички поткована од таа на Франција. На терен излегоа без страв, што навистина е за почит бидејќи се соочија со силен тим и со играчи кои играат во многу посилни лиги. Пред почетокот мислев дека ова ќе биде лесен натпревар и лесни три бода за Франција, но не беше така. Нивниот среден ред беше одличен, играат модерен фудбал, нема панично исфрлање топки, што е навистина паметно. За пофалба е селекторот кој направи измени во вистински момент и не дозволи играчите физички да паднат. Очекувам за овие момци се повеќе да се зборува во иднина, истакна Роберт Пирес.

Во продолжение статистиката од натпреварот:

Прво полувреме:

53%	Посед на топка	47%
6	Вкупно удари	6
1	Удари во рамка	2
5	Удари надвор од рамка	2
0	Блокирани удари	2
8	Слободни удари	7
1	Корнери	5
1	Офсајди	1
11	Нафрлувања	5
1	Одбрани на голман	0
6	Прекршоци	6
0	Жолти картони	1

Второ полувреме

49%	Посед на топка	51%
7	Вкупно удари	3
3	Удари во рамка	2
1	Удари надвор од рамка	1
3	Блокирани удари	0
4	Слободни удари	9
6	Корнери	2
2	Офсајди	1
16	Нафрлувања	20
2	Одбрани на голман	3
6	Прекршоци	4

Натпревар:

51%	Посед на топка	49%
13	Вкупно удари	9
4	Удари во рамка	4
6	Удари надвор од рамка	3
3	Блокирани удари	2
12	Слободни удари	16
7	Корнери	7
3	Офсајди	2
27	Нафрлувања	25
3	Одбрани на голман	3
12	Прекршоци	10
0	Жолти картони