Фудбалската федерација на Македонија организира вебинар за 30 футсал судии од нашата земја под покровителство на ФИФА. 

Семинарот се оддржува преку zoom апликација и го следат судиите, а главна тема на курсот е имплементација на промените на правилата во футсалот, односно едукација на нашите судии во пресрет на новата сезона во македонската футсал лига.

Предавач на вебинарот е Педро Галан Нието. Шпанецот е еден од одговорните лица, поточно еден од седуммината, кои ги променија правилата на футсалот во 2020. година. По барање на ФИФА, преку Пјерлујџи Колина и Масимо Бусака, водечките луѓе во судиската организација на Светската фудбалска асоцијација, годинава беа променети одредени правила во футсалот со единствена цел, да  бидат едноставни и разбирливи за гледачите, слични како во фудбалот, но да задржат некои карактеристики типични за футсалот.