ФФМ организатор на семинар за одржување на фудбалски терени

Објавено на 31 Март, 2016 во Вести

Во просториите на „Куќата на фудбалот“ започна да се одржува дводневниот семинар во организација на Фудбалската федерација на Македонија за одржување на фудбалските терени на кој главен предавач е Дин Гиласби од ФИФА.

На семинарот учествуваат претставници од 12-ет стадиони или терени во државата (Маџари – Скопје, Победа – Прилеп, Тренинг центар „Петар Милошевски“, Ѓорче Петров – Скопје, Беласица – Струмица, Шкендија – Тетово, „Билјанини извори“ – Охрид, Пелистер – Битола, „Кукуш“ – Турново, Национална арена „Филип Втори“ – Скопје, Силекс – Кратово).

Консултантот за одржување на природна трева од ФИФА најпрвин имаше теоретска презентација во однос на одржувањето и квалитетот на терените и дискусија за најдобрите практики за одржување. Втората денешна сесија вклучуваше практичен дел на терените во центарот „Петар Милошевски“, а се однесуваше на активно учество со разгледување и користење на машините и алатките за одржување на теренот.

Во текот на денот практично ќе се користи опремата и механизацијата за одржување на тревата и ќе се врши мерење на квалитетот на теренот.