ФФМ го пушти во употреба најмодерниот терен со тревна подлога во Македонија

Објавено на 09 Април, 2016 во Вести

Фудбалската федерација на Македонија го заврши својот дел од договорот, во Тетово официјално пуштен во употреба најмодерниот терен со тревна подлога во Македонија.

Екипите на Шкендија и Ренова в недела ќе го одиграат првиот натпревар на новата тревна подлога на стадионот во Тетово. Денеска официјално беше пуштен во употреба новиот терен на стадионот во Тетово, дел од проектот „Хет Трик 4“ на УЕФА кои предвидува реконструкција на пет стадиони во државата.

Фудбалската федерација на Македонија ја заврши својата обврска од договорот меѓу ФФМ, општина Тетово и УЕФА и заврши со активностите за изградба на модерен терен со дренажен систем по највисоките стандарди на УЕФА.

Обврска на локалната самоуправа е изградба на покриена трибина со најмалку пет илјади столчиња, како и реконструкција на под трибинскиот простор каде треба да има модерни соблекувални и потребни простори за еден репрезентативен фудбалски стадион.

Тревната подлога поставена на главниот терен на стадионот во Тетово е работен според највисоките критериуми на УЕФА и ги исполнува условите да биде домаќин на сите репрезентативни и клупски тимови.

На денешното официјално пуштање во употреба на теренот со нова тревна подлога и дренажен систем присуствуваше делегација на Фудбалската федерација на Македонија и Општина Тетово.